3-sinf Ona tili va o'qish fanidan Uch hikmat mavzuda dars ishlanma

Buxoro viloyati Jondor tumani 23-umumta'lim maktabining boshlang'ich sinf o'qituvchisi NOROVA DILDORA LATIFOVNAning 3-sinf uchun ona tili va o'qish savodxonligi fanidan DARS TAQDIMOTI Mavzu: Uch hikmat hikoyasi (2-qism) UCH HIKMAT Sizningcha, hikoyaning davomida nimalar sodir bo'ladi? Sardor avtobus tomon qo'l silkitib yugura boshladi. Oyog'i ostidagi toshni ko'rmadi, shekilli, qoqilib yiqildi. Papkasi qo'lidan uchib ketdi. - Shofyor amaki, iltimos, to'xtating, o'rtog'im kelyapti, - o'rnidan turib ketdi Farhod. Avtobus sal yurib, to'xtadi. Sardor avtobusga chiqib oldi. Uning kiyimlari, yuz-ko'zlari tuproq bo'lgandi. Farhod o'rtog'ining egnidagi changlarni qoqarkan, sekin so'radi: - Nima, buving senga yurib ketayotgan avtobus ortidan yugurma, deb aytmaganmi? - Buvim biz bilan turmaydilar, - xo'rsindi Sardor. - Ha, buvisi bor bolalarga yaxshi, men ham nabiralarimga ko'p narsalarni o'rgataman, - suhbatga qo'shildi ro'molli xola. Keyingi bekatda avtobusga yuzidan nur yog'ilib turgan otaxon chiqib keldi. Farhod shu zahoti o'rnidan turib, qariyaga joy berdi. Otaxon: Rahmat, bolam, deb o'rindiqqa joylashdi. Biroz nafas rostlab olganidan so'ng, Farhod va Sardorni uzoq duo qildi. Bu orada avtobus maktab bekatiga kelib to'xtadi. - Biz maktabimizga yetib keldik. Xayr, yaxshi yetib olinglar, - Farhod bilan Sardor avtobus eshigi tarafga qarab yurishdi. - Yaxshi boringlar, besh olinglar, - deya xayrlashdi ro'molli xola va otaxon. Maktab darvozasidan kirisharqan, Farhod mamnun kayfiyatda shunday dedi: - Sardor, buvim aytgan gapning ikkitasi to'g'ri chiqdi. Uchinchisi ham isbotini topsa kerak, mana ko'rasan, bugun matematikadan besh olaman! Gulxan jurnalidan olindi 1. Avtobusga chiqqanda yana qaysi qoidalarga amal qilish kerak? 2. Farhod nima uchun mamnun kayfi yatda maktabga kirib keldi? 3. Nima uchun hikoya Uch hikmat deb nomlangan? ...