1-sinf Ona tili va o'qish Endi gripp bo'lmayman 1-qism dars taqdimot

56-dars O'quv yili oxirida takrorlash Endi gripp bo'lmayman 1-qism Sa'dullo Quronov Alisher devorda o'rmalab yurgan g'aroyib maxluqchani ko'rib qoldi. Yaqinlashib qarasa, gripp ekan. Chaqqon bola emasmi, oshxonadan tezda idish olib kelib, grippni qamab qo'ydi. - Ushlab oldimmi?! Ana endi, singlimni kasal qilganing uchun ta'ziringni beraman! - U men emas, boshqa gripp edi. Men yaqinda ishga kirdim, hali ko'p narsani bilmayman, - dedi qo'rqib ketgan maxluqcha. - Unda bu yerda nima qilyapsan? - so'radi Alisher qovog'ini uyib. - Haligi Seni kasal qilgani keluvdim, - dedi gripp. - Hali shunaqami?! - Alisherning jahli chiqib ketdi. U idishga qaynoq suv quyib grippni yo'q qilmoqchi bo'ldi. - To'xta, meni jazolama. Balki, kelisharmiz? - ko'zlari yoshlanib iltimos qildi gripp. - Kelishamiz, gripp bilan-a? ! - Nima qipti? Meni qo'yib yubor- sang, kasallikdan saqlanishning hech kim bilmaydigan sirlarini aytib beraman. - Mayli, roziman, lekin shunda ham boshqalarni kasal qilmaslik sharti bilan, - dedi Alisher (Kim?) devorda o'rmalab yurgan g'aroyib maxluqchani ko'rib qoldi. Yaqinlashib qarasa, gripp ekan. Chaqqon bola emasmi, oshxonadan tezda (nima?) olib kelib, grippni qamab qo'ydi. - Ushlab oldimmi?! Ana endi, singlimni (nima?) qilganing uchun ta'ziringni beraman! - U men emas, boshqa gripp edi. Men yaqinda ishga (nima qildim?), hali ko'p narsani bilmayman, - dedi qo'rqib ketgan maxluqcha. So'roqlar o'rniga mos so'zlarni qo'yib hikoyani qayta o'qing - Unda bu yerda nima qilyapsan? - so'radi Alisher qovog'ini uyib. - Haligi Seni (nima?) qilgani keluvdim, - dedi gripp. - Hali shunaqami?! - Alisherning jahli chiqib ketdi. U idishga (qanday?) suv quyib grippni yo'q qilmoqchi bo'ldi. - To'xta, ...