1-sinf Matematika fanidan 10 soni bilan tanishtirish dars ishlanma

10 SONI BILAN TANISHTIRISH 1-uchun matematika fanidan dars ishlanmasi Ta'limiy maqsad: O'quvchilarga 10 soni, uning tartibi va tarkibi haqida bilim berish, yozma malakani oshirish. Tarbiyaviy maqsad: O'quvchilar orasida o'zaro hurmat, do'stona munosabatni shakllantirish, ularni hamkorlikda ishlashga o'rgatish. Rivojlantiruvchi maqsad: O'quvchilarning mustaqil mantiqiy fikrlash, to'g'ri hisoblash malakasini shakllantirish, aqliy, jismoniy va boshqa sifatlarini rivojlantirish. Dars uslubi: Noan'anaviy. Dars turi: Aralash. Darsning shiori: O'nta bo'lsa o'rni boshqa, Yetti o'lchab bir kes. Darsning oltin qoidalari: 1. O'ng qo'l qoidasi. O'zaro hurmat. Vaqtga rioya qilish. Darsning jihozlanishi: 1-sinf matematika darsligi, matematika daftari, sonli kartochkalar, geometrik shakllar, mavzuga oid rangli rasmlar. Darsning borishi: O'quvchilarni darsga jalb qilish. Qo'limda bor shunday kitob, Ichin ochsam g'ij-g'ij hisob. O'qisang gar, qilar xitob:^ Misolim ko'r javobin top, Ne atalar ushbu kitob? O'tilgan mavzuni mustahkamlash maqsadida Mening o'rnim qayerda? o'yini o'tkaziladi. O'qituvchi o'yin qoidasi bilan tanishtiradi. Ayrim o'quvchilarga 1 dan 9 gacha yozilgan sonli kartochkalar tarqatiladi. So'ngra topshiriq beriladi. Kartochka olgan o'quvchilar doska oldiga chiqadi. Ular qo'llaridagi sonli kartochkalarga qarab o'z o'rniga quyidagi tartibda to'g'ri turib olishlari kerak. Qo'shnilarni ayt o'yini. O'ynovchilar aylana quradi. Olib boruvchi qo'liga to'pni olib bolalardan biriga 1 dan 9 gacha bo'lgan xohlagan raqamini aytadi va to'pni uzatadi. To'pni tutib olgan bola Qo'shnilarini, ya'ni undan avvalgi va keyingi turgan raqamlarni aytib to'pni olib boruvchiga qaytaradi. U yana boshqa bolaga otib, boshqa bir raqamni aytadi. Qo'shnilarini aytishda ikki marta adashgan bola o'yindan chiqadi va chetdan kuzatib turadi. Dam olish daqiqasi: Kulrang g'ozlar uchdilar, Maydonchaga qo'ndilar, U yon, bu yon qarashib, uchib ketdilar. Yangi mavzuning bayoni: O'quvchilarning diqqati ...