3-sinf Musiqa fanidan Alteratsiya belgilari dars ishlanmasi

Jarqo'rg'on tumani 62-umumta'lim maktabi musiqa madaniyati fani o'qituvchisi Xolqova Ra'xonning 3-sinfga A'lteratsiya belgilari mavzusida yozgan saboq ishlanmasi Mavzu: Alteratsiya belgilari (3-sinf musiqa fanidan 1 soatlik dars ishlanma) Saboqning nomi, sana, sinf: Musiqa 3-sinf Mavzu: Alteratsiya belgilari DTS maqsadlari: ta'limiy maqsad: O'quvchilarni musiqa tovush qatorda joylashgan asosiy yetti pog'onadagi zarur bo'lganda yarim tonga ko'tarilishi va passaytirilish hollarida maxsus belgilaridan fodalana olishni bilish -Alteratsiya belgilarini nota yo'lida joylashgan notalarini farqlay olish; -Musiqiy fikrlab,tahlil qila olish; -Yosh avlodni milliy qadriyatlar ruhida tarbiyalanishidagi o'rnini bilish,o'quvchilarning musiqaga nisbatan qiziqishini oshirish; -Musiqa madaniyatini boyitish va shakllanishiga oid BKMni egallash; Tarbiyaviy maqsad:Milliy istiqlol g'oyasi tushuncha va tamoyillarini dasturi doirasida o'quvchilar qalbida mustaqillik madh etilgan qo'shiqlarni o'rgatishga oid BKMni shakllantirish va egallash; Rivojlantiruvchi maqsad: O'zbek xalqining milliy musiqa san'atini o'quvchilar qalbiga singdirish, qo'shiq va raqslarni ijro etishga oid BKMning shakllantirish, egallash; Kasb-hunarga yo'llovchi maqsad: Musiqiy asboblar, ularni ijro etish usullari, xonandalik, sozandalik, raqqoslik, san'atshunoslik, musiqashunoslik, bahshichilik kasbiga oid BKM ni shakllantirish va egallash. Saboqning turi: Yangi bilimlarni bayon qilish O'tgan materiallarni mustahkamlash BKM tekshirish va baholash Takroriy, umumlashtiruvchi va kirish darslari Aralash tipdagi darslar Saboqning uslubi: Og'zaki, ko'rgazmali, yozma, tarqatmali. Saboqning jihozi: DTS, darslik, saboq ishlanmasi, fan daftari, yozuv taxtasi, magnit taxta, texnika vositasi, disk, rangli bukletlar, musiqiy cholg'u asboblari. Saboqning borishi, didaktikasi: Psixologik iqlim yaratish Navbatchi hisoboti, sinf jurnallari bilan ishlash, davomadni aniqlash tashkiliy qism. Savol: Jumboq Bir so'z bor, u ertalabdan boshlanar, Odobning boshi ham undan boshlanar. Unga odat qilgan yetar murodga, Odat qilmagan-chi qolar uyatga. Jumboqning ma'nosini yechgin farzandim, So'ngra uni kanda qilmang dilbandim! ...