5-sinf Ona tili fanidan Mustahkamlash ochiq dars ishlanmasi

5- SINF ONA TILI FANI Sana: 27.12.2021 Mavzu: MUSTAHKAMLASH DARSI Maqsad: A) ta'limiy maqsad: unli va undosh tovushlarning talaffuzi va imlosi, asos va qo'shimchalar imlosiga oid bilimlarni mustahkamlash. B) tarbiyaviy maqsad: buyuk ajdodlarga ehtirom, yurt tinchligi va ta'limdagi islohotlarni o'quvchilarga tushuntirish, o'zaro hamjihatlik xislatlarini o'stirish. S) rivojlantiruvchi maqsad: o'quvchilarda og'zaki va yozma nutqni o'stirish, topqirlik, zukkolikka o'rgatish. Dars shakli: guruhlarda ishlash Darsda foydalanilaniladigan metod: fanlararo integratsiya, Kim zukko?, o'yingni top Darsda foydalanilgan jihoz: kompyuter, proyektor, tarqatma va ko'rgazmalar DARSNING BORISHI: I.tashkiliy qism: A)Salomlashish. B) Davomatni aniqlash. D) O'quvchilarni darsga tayyorlash E) Siyosiy daqiqa o'tkazish. F) O'quvchilar uch guruhga bo'linib, o'zlari uchun nom va shior tanlaydilar: 1-guruh: Navoiy shaydolari 2-guruh: To'maris izdoshlari 3-guruh: Temurbeklar Darsning borishi: 1-topshiriq. O'quvchilar navbat bilan A harfidan ng harfiga qadar bo'lgan barcha tovushlarga she'riy usulda ta'rif beradilar. Har bir ta'rif berilgan tovushni maxsus ajratilgan doskaga yozuvdagi belgisini alifbo tartibida joylashtiradilar. 2-topshiriq. Kim zukko? usuli yordamida talaffuz va imlo me'yorlari asosida tuzilgan savollarga har bir guruhdan ixtiyoriy zukko o'quvchilar chiqib javob beradilar. Savollar quyidagicha: A va O unlilarining talaffuzi va imlosiga misol keltiring. Telefon, teatr so'zlarining talaffuzi va imlosini izohlang. Alp so'zining ma'nosi? X va H tovushlarini ta'riflab, farqli jihatlarini ayting. Xulq nima? Yonma-yon kelgan unlilar ishtirok etgan so'zlarga misol keltiring. Shahid so'zining ma'nosi nima? Qo'sh undoshli so'zlarga misol keltiring. Maqom so'zining ma'nosi? Qator undoshli so'zlarga misollar topib, ularning talaffuzini tushuntiring. Shu kabi savollarni o'quvchilar yopishtirilgan stikerlardan birini olib javob beradilar. Har bir to'g'ri javob uchun guruhlariga rag'bat qo'shadilar. 3-topshiriq. Test sinovi. Test savollar proyektor orqali ko'rsatiladi. ...