5-sinf Adabiyot fanidan Sa'diy Sheroziy hayoti va ijodi dars ishlanmasi

O'zbekiston RespublikaSI XALQ TA'LIMI VAZIRLIGI Namangan viloyati xalq ta'limi boshqarmasi To'raqo'rg'on tumani xalq ta'limi bo'limiga qarashli 50-sonli umumiy o'rta ta'lim maktabi ona tili va adabiyot fani o'qituvchisi Ahmadjonova Zulfiyaning 5-sinf adabiyot fanidan Sa'diy Sheroziy hayoti va ijodi mavzusida bir soatlik DARS ISHLANMASI Mavzu: Sa'diy Sheroziy hayoti va ijodi Darsning maqsadi: ta'limiy maqsad: o'quvchilarga Sa'diy Sheroziy hayoti va ijodi haqida ma'lumot berish, shoir hayotiga doir qiziqarli ma'lumotlar bilan tanishtirish; b) tarbiyaviy maqsad: o'quvchilarda insoniy fazilatlarni shakllantirish, yoshlikdan bilim olishga, hunar o'rganishga qiziqtirish; d) rivojlantiruvchi maqsad: o'quvchilarda mustaqil fikrlash va fikrini bayon eta olish ko'nikmasini rivojlantirish, mumtoz adabiyot durdonalarini o'rganishga chorlash. Shakllantiriladigan kompetensiyalar: kommunikativ, axborot bilan ishlash, shaxs sifatida o'z-o'zini rivojlantirish, umummadaniy. Dars turi: yangi bilim beruvchi. Darsda foydalaniladigan usullar: Ibratli saboq, Sirli raqamlar, Davom ettir, Bilimlar guldastasi. Darsda foydalaniladigan jihozlar: darslik, mavzuga oid slaydlar, ko'rgazmalar, xarita, gul shaklidagi rangli qog'ozlar. Darsning shiori: Har bir so'zni bilib ayt, Ko'pga ma'qul qilib ayt. Darsning borishi: I.tashkiliy qism: o'quvchilar bilan salomlashish, sinf xonasi va o'quvchilarning darsga tayyorligini ko'zdan kechirish, davomatni aniqlash. O'qituvchi: Bugun darsga tayyormisiz, Savollarga hushyormisiz? O'quvchilar: Doim darsga tayyormiz, Biz bilimga chanqoqmiz. O'qituvchi: Odoblar xazinasi, ma;naviyat gultoji, Bu bir sirli mo'jiza, ayting bu qaysi fandir? O'quvchilar: Adabiyot fanidir bizga odob o'rgatgan, Maqol, masal va ertak, shirin so'zda so'zlatgan. Ibratli saboq: Keksa otaxon har kuni mahalladagi bir bolakayning yalang oyoq rezina to'p bilan futbol o'ynayotganiga ko'zi tushardi. Bir kuni do'konga borib poyabzal oldi va bolaga tutqazdi: Buni kiyib ol, bolajonim, senga deb oldim. Bolakay quvonchdan qiyqirib yubordi va shu zahoti poyabzalni kiyib oldi. ...