Kimyo fanidan Noorganik birikmalarning asosiy sinflari mavzusida ochiq dars ishlanmasi

Navoiy viloyati Xatirchi tumani 82-maktab kimyo fani o'qituvchisi Pirmatov Alisherning Noorganik birikmalarning asosiy sinflari mavzusidagi bir soatlik dars ishlanmasi Mavzu: Noorganik birikmalarning asosiy sinflari Darsni maqsadi: 1.Ta'limiy maqsad: O'quvchilarga berilgan mavzu yuzasidan ilmiy asoslangan, Davlat Ta'lim Standarti talablariga javob beradigan bilimlar berib, ularda amaliy ko'nikmakarni hosil qilib, tegishli malakalarini shakllantirish; 2.Tarbiyaviy maqsad: O'quvchilarda kimyoviy madaniyatni, ekologik madaniyatni shakllantirish, ularda sinfda, guruhlarda ishlashda bir-biriga ko'mak berish, boshqalar fikrini eshitish, hurmat qilish ko'nikmalarini shakllantirish; 3.Rivojlantiruvchi maqsad: Ilmni texnika xavfsizligi qoidalariga amal qilgan holda amaliyotga tatbiq etish . O'quvchilarning bilim va tafakkurini, kitobxonlik malakasini oshirish, mustaqil fikrlash ko'nikmalarini shakllantirish va rivojlantirish, kimyo fani va shu sohadagi kasblarga qiziqishlarini shakllantirish. Shakllantiriladigan kompetensiyalar: Tayanch: Kommunikativ kompetensiya, shaxs sifatida o'z - o'zini rivojlantirish kompetensiyasi, umummadaniy kompetensiya, matematik savodxonlik, fan va texnika yangiliklaridan xabardor bo'lish va foydalanish kompetensiyasi, axborot bilan ishlash kompetensiyasi, ijtimoiy faol fuqarolik kompetensiyasi; Fanga oid: Kimyoviy jarayon, hodisalarni kuzatish , tushunish va tushuntirish kompetensiyasi, element va kimyoviy birikmalarni kimyoviy tilda ifodalash kompetensiyasi, kimyoviy tajribalar o'tkazish va amaliyotda qo'llash kompetensiyasi. Dars tipi: Yangi bilim beruvchi, ko'nikma hosil qiluvchi. Dars uslubi: Kichik guruhlarda ishlash, yakka tartibda ishlash. Dars usuli: Interfaol metodlar (Assesment usuli, Savolli quticha o'yini, Rebus o'yini, Bilimlar hovuzchasi o'yini, Tadqiqot usuli, Xazina izlab o'yini, ko'rgazmali-amaliy). Darsning jihozlari: AKT , kimyoviy moddalardan namunalar (Na metali, kerosin, suv, NaOH, KOH, NiCl2, FeCl3, CuSO4, HCl, fenolftalein, suv, NH4OH, uyda ishlatiladigan kimyoviy vositalar, moddalar (qozon yuvish vositasi, ichimlik sodasi, kir sovun, atir sovun, kir yuvish sodasi ), kimyoviy jihozlar (poddon, probirkalar shtativlari bilan, pipetkali flakonlar, suv purkagich, keramik ...