11-sinf Algebra fanidan Kombinatorika masalalari mavzusida dars ishlanma

Andijon viloyati Asaka tumani 27- maktab Matematika fani o'qituvchisi Vohidov Shohrux Alisherivichning 11-sinf Matematika fanidan Kombinatorika masalalari mavzusida bir soatlik ochiq dars ishlanmasi Mavzu: Kombinatorika masalalari O'QUV JARAYONINI AMALGA OSHIRISH TEXNOLOGIYASI DARSNING BLOK CHIZMASI: I. tashkiliy qism. O'quvchilar davomati aniqlanadi. Sinfning darsga tayyorgarligi tekshiriladi. Darsda psixologik iqlim yaratish, dars shiori va maqsadini e'lon qilish. 1.1. O'qituvchi o'quvchilarga darsning oltin qoidasini aytib o'tadi hamda o'quvchilar ushbu darsning oltin qoidalariga amal qilish kerakligi ta'kidlanadi. 1.2. Darsda psixologik iqlim yaratish, dars shiori va maqsadini e'lon qilish: 1.3. Kunning muhim voqealari aytib o'tiladi: O'qituvchi tomonidan bugungi kunda tavallud topgan mashhur shaxslar, yurtimiz va jahon maydonida sodir bo'lgan muhim ijtimoiy-siyosiy ma'lumotlar, bayramlar haqida qisqacha ma'lumot berib o'tiladi. II. O'tilgan mavzuni takrorlash: Guruhlarda ishlash O'quvchilar 3 guruhga bo'linadi. Har bir guruh uyga berilgan mavzu bo'yicha qisqacha ma'lumot berishadi. II. Yangi dars mavzusi mazmunini tushuntirish: II. Yangi mavzu: Variantlarni qarab chiqishga oid kombinatorika masalalari Kombinatorikaning asosiy savoli−qancha?, asosiy masalasi esa berilgan chekli sondagi obyektlarning u yoki bu shartga bo'ysunuvchi har xil kombinatsiyalarini sanashdir. Variantlarni birma-bir qarab chiqishda quyidagi ikkita qoidaga amal qilish maqsadga muvofiq: 1. Kombinatsiyalarni harflar yoki raqamlar ketma-ketligi bilan belgilaymiz, bunda belgilash bir qiymatli bo'lishi kerak. 2. Kombinatsiyalarni alifbo tartibida (agar belgilashda harflar ishlatilsa) yoki sonlarni o'sish tartibida yozib chiqish. Bunday holatda birorta ham variant qolib ketmaydi va ayrim variantlarning takrorlanishiga yo'l qo'yilmaydi. 1-masala. Madina olma, nok va mandarinni yemoqchi. Buni u necha usul bilan bajarishi mumkin? Mevalarni harflar bilan belgilaymiz: O−olma, N−nok, M−mandarin. Bu holda, masalan, NMO−bu dastlab nok, so'ng mandarin va oxirida olma ...