8-sinf Iqtisod fanidan Tanlov va uning muqobil qiymati bir soatlik dars ishlanma

- umumiy o'rta ta'lim maktabi geografiya fani o'qituvchisi ning 8-sinfda Tanlov va uning muqobil qiymati mavzusida yozgan bir soatlik DARS ISHLANMASI 8-sinf. Mavzu: Tanlov va uning muqobil qiymati. Darsning maqsadi: Ta'limiy: O'quvchilarda tanlov, uning nima sababdan paydo bo'lishi va turlari haqida tasavvur hosil qilish. Tarbiyaviy: O'quvchilarni mustaqil fikrlashga, o'z fikrini ravon bayon qilishga o'rgatish,. Rivojlantiruvchi: O'quvchilarning oratorlik qobiliyatini yanada rivojlati. Dars uslubi: yangi bilim va tushunchalar hosil qilish, o'zlashtirish. Dars turi: suhbat darsi. Fanlararo bog'lanish: matematika, iqtisod, ingliz tili, rus tili. Dars jihozi: proyektor, darslik va tarqatma materiallar. Darsning blok chizmasi. O'qituvchi darsning tashkiliy qismida sinf o'quvchilarining davomati,darsga tayyorgarlik holatlarini ko'zdan kechiradi. O'qituvchi:Aziz o'quvchilar! Sizlarga 8 sinfdan maktab dasturiga yangi fan- iqtisodiy bilim asoslari fani kiritilgan. Men o'tgan darslarimda ham ta'kidlaganimdek, bu fan mavzulari kundalik hayotimizdan, biz har kun duch keladigan hodisalar haqida bo'lib, maqsad sizlarga kundalik turmushimizda duch keladigan iqtisodiy jarayonlarga ilmiy jihatdan yondashishni o'rgatish, bu hodisa va jarayonlarning sabab va oqibatlari bilan tanishtirish hisoblanadi. Bugungi dars shiori: Iqtisodiy bilim asoslarini hamma biladi, faqat uni tushunish qoldi, xalos! Bugun sizlar bilan tanlov va uning muqobil qiymati mavzusini o'tamiz. Darsimiz shiorining yana bir isboti, tanlov so'zini hamma biladi, hamma hayotda tanlov zaruriyati bilan duch kelgan, shunday emasmi? Bizning bugungi darsdan maqsadimiz tanlov haqidagi uzuk-yuluq tushunchalarimizni tartibga solish, tanlov haqida to'liqroq bilimga ega bo'lish hisoblanadi. Tanlov bilan tanishish uchun avvalgi darslardagi olgan bilimlarimizga tayanishimizga to'g'ri keladi, shuning uchun kelinglar, o'tgan darslarni bir takrorlab o'tsak. Aytinglarchi, biz iqtisodiy bilim asoslari fanidan bugungacha qanday mavzular o'tdik? (Iqtisod bilan tanishuv va cheklanganlik muammosi). ...