Huquq fanidan namunali dars ishlanma. Jamiyatda oilaning o'rni

Jamiyatda oilaning o'rni Oila sohasidagi huquqiy munosabatlarning asosiy manbayi O'zbekiston Respublikasining Konstitutsiyasi hisoblanadi. Jamiyat va davlatning oilaga g'amxo'rligi ijtimoiy siyosatimizning muhim yo'nalishiga aylangan. Oila sog'lom ekan - jamiyat mustahkam, jamiyat mustahkam ekan - mamlakat barqarordir. Shuning uchun ham oila jamiyatning asosiy bo'g'ini sifatida e'tirof etilib, bolaning shaxs sifatida shakllanishi, kelgusida jamiyatda o'z o'rnini topishi hamda ma'naviy barkamol inson bo'lib yetishishida asosiy poydevor hisoblanadi. Xalqimiz tarixiga nazar tashlasak, eng qadrli an'analar: halollik, rostgo'ylik, or-nomus, sharm-u hayo, mehr-u oqibat, mehnatsevarlik kabi barcha insoniy fazilatlar eng avvalo oilada shakllangan. Oila munosabatlarining O'zbekiston Respublikasi qonunlarida aks ettirilishi oilani yuksak axloqiy-ma'naviy normalar asosida mustahkamlashning yorqin namunasidir. O'zbekiston Respublikasining Konstitutsiyasida O'zbekiston fuqarolari bolalarni voyaga yetgunlariga qadar boqish va tarbiyalashga majburligi, farzandlar ota-onalari to'g'risida g'amxo'rlik qilishlari va ularga yordam berishlari shartligi ko'rsatib o'tilgan. O'zbekiston Respublikasining Oila kodeksi Oilaning jamiyatdagi rolini ta'minlashda, uning huquqiy muhofazasi va ijtimoiy mavqeyini mustahkamlashda Oila kodeksining roli kattadir. O'zbekiston Respublikasining Oila kodeksi jahon hamjamiyatida umumiy e'tirof etilgan huquqiy normalarga to'la mos ravishda tuzilgani holda, «oila - jamiyatning tayanch tuzilmasidir», degan g'oyaga asoslangan. Oilaviy huquqiy munosabatlar deganda fuqarolar o'rtasida bo'ladigan va oilaviy huquqiy normalar bilan tartibga solinadigan ijtimoiy munosabatlar tushuniladi. Oila huquqi oila a'zolari o'rtasidagi shaxsiy nomulkiy va mulkiy munosabatlarni tartibga soladi. Shaxsiy nomulkiy munosabatlarga yer-xotinning familiyasi, bolalar tarbiyasi, oila turmushi masalalarini hal qilish, mashg'ulot turi, kasb va turar joy tanlash huquqlari kiradi. Oilaviy-huquqiy munosabatlar o'zining ba'zi bir belgilari bilan fuqarolik-huquqiy munosabatlarga o'xshab ketadi. Biroq bu o'xshashlik faqat tashqi ko'rinishdir. Oila huquqining subyektlari Har qanday boshqa munosabatlarda bo'lganidek, oilaviy huquqiy munosabatlarda ham uch element: ...