9-sinf Ona tili fanidan ochiq dars ishlanma. Shart mayli vositasida ergashgan qo'shma gaplar

Olmaliq shahar XTBga qarashli 1-IDUMning ona tili va adabiyot fani o'qituvchisi Sadriddinova Zarina Shuhrat qizining. 9-G sinfda Shart mayli vositasida ergashgan qo'shma gaplar mavzusida 1 soatlik DARS ISHLANMASI O'QUV JARAYONINI AMALGA OSHIRISH TEXNOLOGIYASI DARSNING BLOK CHIZMASI: I. tashkiliy qism. Salomlashiladi. O'quvchilar darsni ona tili haqidagi she'r bilan boshlashadi. Ularning davomati aniqlanadi. Sinfning darsga tayyorgarligi tekshiriladi. Darsda psixologik iqlim yaratish, dars shiori va maqsadini e'lon qilish: 1.2. Ma'naviyat daqiqasini tashkil etish; Ochiq darsimiz dekabr oyida o'tkazilayotgani uchun shu oyda tavvallud topgan adiblar va ularning ijodiga mansub she'r so'raladi. Guruhlarda ishlash O'quvchilar sun'iy tanlash orqali So'z va So'z birikmasi va Gap guruhlariga bo'linadi. O'qituvchi nimaga aynan guruhlarni bunday nomlaganini o'quvchilardan so'raydi. Ularning fikrlarini eshitib bo'lgandan so'ng o'zi umumlashtiradi: demak, o'quvchilar biz bilamizki, so'zdan so'z birikmasi, so'z va so'z birikmasidan esa gap hosil qilinadi. Men ham shundan kelib chiqib sizlarning guruhlaringizni bir-biriga bog'iq holda nomladim. O'quvchilar dars jarayonida qay darajada ishtirok etganliklarini bilish uchun O'z-o'zini baholash metodidan foydalanamiz. Bunda o'quvchilarga quyoshning rasmlari o'rtasiga yopishtirib, atrofiga nur yig'ib yopishtirish uchun guruh nomi yozilgan A3 formatdagi listlarning beramiz. O'quvchilar darsdagi ishtirokiga qarab nur yig'adilar. Qaysi guruh o'quvchilari ko'proq nur yig'sa, shu guruh g'olib hisoblanadi. Har bir guruh o'zlariga sardor tayinlab oladilar. Bu xolisona baholashdir. II. O'tilgan mavzuni takrorlash: O'tilgan mavzu: Deb so'zi yordamida ergashgan qo'shma gaplar. Uyga vazifa sifatida berilgan 117- mashq sharti va kimlar bajarganligi guruh sardorlaridan so'raladi va har bir guruhdan ixtiyoriy tuzilgan gaplarning eng chiroyli va mazmunlilarini o'qish so'rab, o'qib bo'lgandan keyin shartga muvofiq bajarilganligi hamda qolganlar ham shunday bajarganmilar yo ...