6-sinf Ona tili fanidan dars ishlanma. Matnning turlari. Hikoya matni

Sinf:6-sinf Fan: Ona tili Mavzu: Matn turlari. Hikoya matni. Dars maqsadi: 1) ta'limiy maqsad: o'quvchilarga matn turlari bo'yicha nazariy ma'lumot berish, matn yaratish bo'yicha malaka va ko'nikmalarni shakllantirish. Berilgan topshiriq va sodda matnlarni tinglab tushuna olish, xabar, tasvir asosida matn yarata olish, tinglangan matn, voqea - hodisalarni tushuna olishga o'rgatish. 2) tarbiyaviy maqsad: o'quvchilarda ona Vatanga bo'lgan hurmat, oilaga, ona tabiatga, kitobga mehr-muhabbat tuyg'usini yanada rivojlantirish. Buyuk adiblarimiz hayoti va ijodining tarbiyaviy tomonlarini yoritish. Muloqotda muomala madaniyatiga amal qilishni, hamkorlikda jamoa bo'lib ishlashni shakllantirish. 3) rivojlantiruvchi maqsad: O'quvchilarning og'zaki va yozma nutqini shakllantirish, matn yaratish uslublari haqida kompetensiyaviy yondashuvni shakllantirish, ijodkorlik qobiliyatini rivojlantirish, ularni erkin fikrlash, muammoli vaziyatlar yechimini topishga o'rgatish. Darsning turi: yangi bilim beruvchi. Darsning metodi: Kuzatish usuli, Ijodkor usuli, Jonli tasvir usuli, Mazmunini to'ldir usuli, Shaklini o'zgartir usuli, dam olish daqiqasi Darsning jihozi: Darslik, mavzuga oid ko'rgazmali qurol, tarqatma materiallar, videoproyektor, kompyuter, ekran, turli rasmlar. Darsning shiori: Kishining zeb-u ziynati, go'zalligi unung tilidadir. Darsning borishi: I.tashkiliy qism. 1) o'quvchilar bilan salomlashish. 2) davomatni aniqlash. 3) siyosiy va ma'naviy daqiqa tashkil etish. O'quvchilarga beriladigan tezkor savollar. 1) o'quvchilar bugungi sanamiz bilan bog'liq bo'lgan muhim voqea-hodisalar yuzasidan kim ko'p ma'lumot beradi? 2) o'quvchilar o'zbek tiliga Davlat tili maqomi berilganligi haqidagi qonun qachon ta'sis etilgan? 3) o'quvchilar, kim ona tilimiz haqida she'r aytib bermoqchi? 4) ona tilimizni rivojlanishiga o'z ijodlari bilan ulkan hissa qo'shgan adiblarimiz nomlari yashiringan she'riy jumboqni toping? Xamsasi bilan turkiy xalqning, So'z mulkini boyitgan. G'azal mulkin sultoni, O'zbek tilini tanitgan. (J: Alisher Navoiy) Ona tilda g'azallari, ruboiysi ...