6-sinf Tarix fanidan O'zbekiston hududidagi qadimiy davlatlar dars ishlanma

FARG'ONA VILOYATI BAG'DOD TUMANI 41-UMUMIY O'RTA TA'LIM MAKTABINING TARIX FANI O'QITUVCHISI Xoliqova Ozoda Abdulxakimovnaning 6-sinf uchun Tarix fanidan tayyorlagan taqdimot ishi. Mavzu: O'zbekiston hududidagi qadimgi davlatlar. Darsning rejasi: 1. Qadimgi aholining etnik tarkibi va hududiy joylashuvi. 2. Miloddan avvalgi VII-VI asrlarda xo'jalikning rivoji. 3. Miloddan avvalgi VII-VI asrlarda qadimgi shahar madaniyati. 4. Qadimgi davlatlar. Yozma manbalarning guvohlik berishicha,miloddan avvalgi VII-VI asrlarda O'zbekiston hamda qo'shni hududlarda sug'diylar, baqtriyaliklar, xorazmliklar kabi elatlar, shuningdek, sak va massaget qabilalari yashagan. Zarafshon va Qashqadaryo vohasida dehqonchilik bilan shug'ullanuvchi ko'plab aholi istiqomat qilgan.Yunon yozma manbalarida bu hudud So'g'diyona deb nomlangan. Shu yerda yashaydigan aholini sug'diylar deb atashgan. Sug'diylarning eng yaqin qo'shnilari baqtriyaliklar bo'lib, ular Surxon vohasi shimoliy Afg'oniston va janubiy Tojikiston hududlarida joylashgan. Yunon-rim muarrixlari (tarixchilari) u yerlarni Baqtriana yoki Baqtriya deb ataganlar. Hozirda mavjud bo'lgan O'zbekiston, Tojikiston va Afg'oniston davlatlarining hududlari qadimgi baqtriyaliklar yashagan joylarga to'g'ri keladi. Demak, baqtriyaliklar katta hududlarda istiqomat qilganlar. Amudaryoning quyi oqimida yashagan o'troq dehqon elatlari xorazmliklar bo'lgan. Ularning yurti yunon manbalarida Xorasmiya deyilgan. Cho'llar va Amudaryo bo'ylarida ko'chmanchi massaget qabilalari yashagan.Massaget so'zining ma'nosi baliq yeguvchi degan ma'noni anglatadi. Daryo bo'ylarida yashagan massaget qabilalari baliqchilik bilan shug'ullangani uchun shu nom berilgan bo'lsa kerak. O'rta Osiyoning tog'lik, dasht va cho'l yerlarida asosiy mashg'uloti chorvachilik bo'lgan saklar istiqomat qilgan. Qadimgi yunon va rim tarixchilarining ma'lumotlariga qarasak, saklar son jihatidan ko'p bo'lganliklari uchun uchta katta guruhga bo'lingan. Uzun cho'qqili qalpoq kiyib yuradigan saklar, muqaddas ichimlikka sig'inuvchi saklar va daryo bo'ylarida yashovchi saklarga bo'lingan. Saklarning tashqi qiyofasi Xo'ja Nasriddin nima deydi? Baqtriyaliklar xorazmliklarning eng yaqin ...