7-sinf O'zbekiston tarixi Turon xalqlarining harbiy san'ati dars ishlanma

Farg'ona viloyati Furqat tumani 26-umumiy o'rta ta'lim maktabining Tarix fani o'qituvchisi M.Nurmatovaning 7-sinf O'zbekiston tarixi fanidan Turon xalqlaring harbiy san'ati mavzusida bir soatlik dars ishlanmasi. Mavzu: Turon xalqlarining harbiy san'ati Darsning maqsadi: 1.Ta'limiy: O'quvchilarda Turon xalqlarining o'rta asrlardagi harbiy san'ati, qurollari haqida bilim, malaka va ko'nikmalar hosil qilish; 2.Tarbiyaviy: O'quvchilarda Vatanga sadoqat, vatanparvarlik, insonparvarlik, mardlik, jasurlik kabi g' oyalarni shakllantirish. 3.Rivojlantiruvchi: Bugungi kundan boshlab kelajagimiz egalariga harbiy soha haqida tasavvur shakllantirib, dunyoqarashini kengaytirish va mustaqil fikrlashga o'rgatishdan iborat. Dars turi: aralash. Dars uslubi: og'zaki, yozma. Dars usuli: interfaol - Klaster, Suhbat, Keizenmetodi,Tmetodi, Aqliy hujum, Jadval Tayanch atamalar: Turon, palash, dudama, tug' Dars jihozi: darslik, videoproyektor, xarita, savolli jadval, rag'bat kartochkalari, mavzuga oid rasmlar, tarqatma savollar, yog'ochdan yasalgan qilich va kamon. Darsning texnalogik xaritasi: I tashkiliy qism (3 min) II O'tilgan mavzuni takrorlash (10 min) II Yangi mavzu bayoni (15 min) IV Mustahkamlash (10 min) V Baholash (5 min) VI Uyga vazifa (2 min) Darsning borishi: I. tashkiliy qism: a) salomlashish b) davomatni aniqlash s) ma'naviyat daqiqasi o'tkazish. Vatanimizda va jahonda ro'y berayotgan siyosiy voqealar bilan tanishish. d) sinf o'quvchilarini kichik guruhlarga bo'lib olish II. O'tilgan mavzuni takrorlash: Mahalliy hokimliklarning tashkil topishi Sinf o'quvchilarini o'tirgan o'rni bo'yicha 3 guruhga bo'linadi va har bir guruh tegishli hudud bo'yicha ma'lumotlar aytadilar (aytilgan ma'lumot qaytarilmaydi). Bu usul o'quvchilarning faolligini 100 foizga oshiradi. 1-guruh: Toxariston 2-guruh: Farg'ona 3-guruh: So'g'd O'qituvchi e'tibordan chetda qolgan ma'lumotlar yuzasidan Aqliy hujum o'tkazdiradi: 1.Tegin va tudunlar kimlar? 2. To'n yabg'u xoqonning qanday nomli tangalari muomalada bo'lgan? 3.Ilk o'rta asrlarda ...