7-sinf Fizika dars ishlanma. Skalyar va vektor kattaliklar hamda ular ustida amallar

7-sinf fizika darsligi asosida 4-mavzu: Skalyar va vektor kattaliklar hamda ular ustida amallar Skalyar kattaliklar Fizik kattaliklarni ikkita guruh - skalyar va vektor kattaliklarga bo'lish mumkin. Yo'nalishining ahamiyati bo'lmagan, faqat son qiymati bilan aniqlanadigan kattaliklar skalyar kattaliklar deb ataladi. Hajm, vaqt, yo'l, massa, energiya kabi fizik kattaliklar skalyar kattaliklardir. Ular ustida amallar sonlar ustida amallar kabi bajariladi. Masalan, birinchi jismning massasi m1 = 8 kg, ikkinchi jismning massasi m2 = 4 kg bo'lsa, ularning birgalikdagi massasi: Shu tariqa birinchi jismning massasi ikkinchisinikidan necha marta ortiq ekanligini ham aniqlash mumkin. Bundan tashqari, jism massasini biror songa ko'paytirish yoki bo'lish mumkin. Masalan, m=12kg bo'lsa, uni 3 ga ko'paytirish va bo'lish quyidagicha bajariladi: To'g'ri chiziq bo'yicha harakatda jism qayerdan harakatni boshladi, qaysi tomonga harakatlandi va bosib o'tilgan yo'lning kattaligini bilish bu jismning harakat oxiridagi vaziyatini aniqlash uchun yetarlidir. Vektor kattaliklar Ba'zi fizik kattaliklar bilan ish ko'rilganda ularning son qiymatini bilish kifoya qilmaydi, ularning yo'nalishi ham muhim ahamiyatga ega bo'ladi. Masalan, jism s = 5 m masofaga ko'chdi, deyish yetarli emas. Bunda ko'chishning yo'nalishi ham ma'lum bo'lishi kerak. Shunda jism qaysi tomonga va qayerga ko'chganligi haqida to'liq tasavvurga ega bo'lamiz. Stol ustida turgan aravachaga ma'lum bir kuch ta'sir etmoqda, deyish yetarli emas. Bu kuch jismga chapdan o'ngga yo'nalishda ta'sir etganda, aravacha o'ngga, o'ngdan chapga yo'nalishda ta'sir etganda esa chapga tomon harakatlanadi (14-rasm). Agar kuch aravachaga tepadan pastga ta'sir etsa, aravacha harakat qilmaydi. Kuch, tezlik, ko'chish kabi fizik kattaliklar vektor kattaliklardir. Bu kattaliklarni o'rganishda son qiymatidan tashqari ularning yo'nalishini ham bilish muhim. Vektor kattaliklarni qo'shish va ayirish Anhorning A nuqtasidan B nuqtasi tomon υ1 tezlikda so'zib o'tmoqchi bo'lgan suzuvchining harakatini ko'rib chiqaylik (15-rasm). Suzuvchi B nuqta tomon suzmoqda, lekin υ2 tezlikdagi daryo oqimi ta'sirida u narigi qirg'oqning C nuqtasiga borib qoladi. Suzuvchi A dan B ga yetib olish uchun sarflagan t vaqtda daryo suvi B dan C gacha bo'lgan masofani o'tadi. Suzuvchi o'zining υ1 tezligiga suvning υ2 tezligi qo'shilishi natijasi bo'lgan υ3 tezlikda daryoni so'zib o'tadi. Vektor ko'rinishda buni quyidagicha ifodalash mumkin: Vektor kattaliklar ustida amallar oddiy sonlar ustida amallar kabi bajarilmaydi. Masalan, AB kesma 4 m, BC kesma 3 m bo'lsa, bu vektorlar yig'indisi 4 m + 3 m = 7 m emas, balki 5 m ga teng bo'ladi. 16-rasmdagi A nuqtadan suv havzasini aylanib, B va C nuqtalar orqali D nuqtaga borish yo'lini chizmada ifodalab ko'raylik. AB vektorga BC vektor qo'shilganida AC vektor hosil bo'ldi: AB va BC vektor bo'yicha yurilganida hosil bo'lgan ...