8-sinf Huquq fanidan Davlat mavzusida ochiq dars ishlanma

OCHIQ DARS ISHLANMA ANNOTATSIYA: O'qitish metodlarini xilma - xillash, butun dars davomida o'quvchilarda ishchanlik qobiliyatini saqlash uchun usullarni oqilona almashtirib turish bugungi kun o'qituvchisidan ijodkorlik va tashabbuskorlikni talab qiladi. O'zbekiston davlati va huquqi asoslari darslarida o'yinlar - o'quv mashg'ulotining faol usuli bo'lib, bunday dars tashkil etishdan asosiy maqsad - darsda yuqori emotsional kayfiyatni yuzaga keltiruvchi o'yin ruhiyatini uyg'otishdir. Dars ishlanmamga yangi pedagogik texnologiyalardan Bilimdon sandig'i o'yini, Aqliy hujum, Mavzuga zamin hamda Guruhlarda ishlash kabi metodlarni kiritdim. Mavzuga zamin usuli orqali o'quvchilarni o'tilgan mavzuni mustahkamlashdan oldin, shu mavzu bo'yicha o'quvchilarni darsga tayyorlab, zamin hozirlab oladi, Aqliy hujum metodi orqali o'quvchilar fikrlash jarayonida uyg'unlikka erishishga, Bilimdon sandig'i o'yini o'quvchilar O'zbekiston Respublikasi Konstitutsiyasining moddalarini ko'proq eslab qolishga hamda Guruhlarda ishlash metodi orqali o'quvchilar o'rtasida bahamjihatlik bilan qaror qabul qilish va o'zaro hurmat tuyg'ularini shakllantirishga yordam beradi. Dars yakunida xotirasi sustroq o'quvchilarni kichik matnlarni eslab qolishiga ko'maklashuvchi kartochkalar hamda dars jarayonida faol qatnashgan o'quvchilar faol o'quvchilarni rag'batlashtirish uchun mo'ljallangan rag'bat kartochkalar orqali rag'batlantirildi. Darsda xotirasi sust qisman faol qatnashgan o'quvchilarga RAG'BAT kartochkalar berib boriladi. RAG'BAT kartochkalarning bir tomoniga rasm va uning ikkinchi tomonida shu rasmga mos matn yoziladi. RAG'BAT kartochkalar yutib olgan o'quvchilardan kartochkada berilgan matnni o'qib hamda yodlab borish taklifi aytiladi. NATIJADA: o'quvchi Rag'bat kartochkalar olish bilan birgalikda darsdan tashqari qiziqarli ma'lumotlarni o'rganib boradi. Xotirasi sust o'quvchilar kichik matnlarni tez o'zlashtiradi va faollashuv jarayonini ko'rishimiz mumkin. Yuqorida keltirib o'tilgan barcha metod va usullarni ish tajribamda sinab ko'rdim va yaxshi natijalarga erishdim. Hakamlar hay'ati. I. tashkiliy qism (3 daqiqa). O'quvchilar davomati aniqlanadi. Sinfning darsga ...