8-sinf Ona tili fanidan dars ishlanma. Sintaksis haqida umumiy ma'lumot

Qashqadaryo viloyati, G'uzor tumani 47-maktabning ona tili fani o'qituvchisi KARIMOVA SHIRINning 8-sinflar uchun tayyorlagan bir soatlik SINTAKSIS HAQIDA UMUMIY MA'LUMOT 8-sinf (Bir soatlik dars ishlanma) Darsning maqsadi: o'quvchilarda o'zbek tili grammatikasining Sintaksis bo'limi haqida umumiy tushuncha hosil qilish; mustaqil ishlay olish va fikr bildirish ko'nikmalarini rivojlantirish; Vatanni sevish va ardoqlash ruhida tarbiyalash. Darsning tipi: umumlashtirish va tizimlashtirish ko'nikma va malakalarini mustahkamlash. Darsning uslubi: Muloqot texnologiysi. O'g'zaki va yozma bayon qilish, berilgan topshiriqlar ustida ishlash. Darsning shakli: suhbat, amaliy mashg'ulot, guruhlarda ishlash. Dars jihozi: tarqatma materiallar, 8-sinf ona tili darsligi, vatman qog'ozga yozilgan tizimli harflar, har xil boshqotirmalar. Innovatsion usullar: Munster Berg testi, Aqliy hujum. Darsning borishi: O'qituvchi: - Aziz o'quvchilar, Nutq uslublari hamda insholar qanday yozilishi va ularning turlari haqida o'rgandik. Mana shu mavzularni qanchalik o'zlashtirganingizni sinash maqsadida, o'tgan darsimizda Nazorat diktanti va tahlilini o'tkazgandik. Demak, o'z-o'zidan ma'lumki, uyga umumiy takrorlash topshirig'i berilgan. Uy vazifasini so'rashdan oldin, sinf o'quvchilari besh guruhga bo'linadilar. O'qituvchi: - Uy vazifasini qanchalik bajarganligingizni tekshirish maqsadida, Munster Berg testidan foydalanmiz. Buning uchun siz e'tiboringizni yozuv taxtasiga ilingan ko'rgazmaga qaratishingiz kerak. Ko'rgazmada uch qatorli harflar tizimi yozilgan. (O, V, N, S, A, T, K, Z, R, Q, O', CH, I, G', D, M, NG, SH va hokazo) Aytingchi, harflar o'zaki nutqda nima bilan ifodalanadi? O'quvchilar: - Tovushlar bilan. O'qituvchi: - Barakalla. Demak, birinchi qatordagi harflar tizimidan 1-guruh mustaqil so'z turkumlariga, 2-guruh 2-qatordagi tovushlar tizimidan Yordamchi so'z turkumlariga, 3-guruh esa 3-qatordagi harflar tizimidan alohida olingan so'zlarga doir so'zlar tuzadi. 4-guruh mana bu konvert ichida aralash berilgan nutq uslublarining ...