9-sinf Tarbiya dars ishlanma. Yuksalish o'zingni anglashdan boshlanadi

YUKSALISH - O'ZINGNI ANGLASHDAN BOSHLANADI. 9-sinf Tarbiya darsligi 3-4-mavzu. Dunyoga kelgan har bir inson - davlat uchun tom ma'nodagi noyob boylikdir. Unda o'ziga xos qobiliyat yashiringan bo'ladi. Shu qobiliyat yuzaga chiqsa, undagi iste'doddan butun jamiyat manfaatdor bo'ladi. INSONDAGI ISTE'DODNI KASHF QILISHNING VOSITASI - TA'LIM. Tabiiy xomashyo resurslari dunyo miqyosida deyarli adog'iga yetmoqda. Shu sababli mamlakatlarning e'tibori inson aql-zakovatini zabt etishga qaratilgan. Inson omili yuksalib, jahon iqtisodiyoti tobora bilimga asoslangan sohalar ixtiyoriga o'tmoqda. HOZIRGI JARAYONDA KO'PROQ BILIM OLIB, ILG'OR FIKRLARNI ILGARI SURISH - MUVAFFAQIYAT ASOSIDIR. Jamiyat rivoji shaxslarning rivojlanishi bilan bog'liq. Inson omili yuksalgani sari davlat ham taraqqiy etib boradi. Shaxsiy rivojlanish - umr bo'yi davom etadigan jarayon. Odamlar salohiyatlarini anglash va yuksaltirishni istasalar, ular maqsadlarini belgilashlari hamda ularga yetish uchun zarur qobiliyat, fazilatlarini rivojlantirishlari kerak. Buyuk ma'rifatparvar va iste'dodli pedagog AbdullaAvloniy (1878-1934) o'zbek xalqi maorifi, madaniyati, ma'rifatini yuksaltirishga ulkan hissa qo'shgan. Ma'rifatparvar olim hayotini yangi maktablar tashkil etib, yosh pedagoglarga zamonaviy bilimlar berish, Sharq va G'arb tillarini o'rgatish, ta'lim-tarbiyaviy ishlarni amalga oshirishga bag'ishlangan. Uning maktablar uchun yozgan darsliklari o'z davrida Markaziy Osiyoda ilm-fanning rivojiga katta hissa qo'shgan. Axloq - insonlarni yaxshilikka chaqiruvchi, yomonlikdan qaytarguvchi bir ilmdur. Agar bir kishi yoshligida nafsi buzilib tarbiyasiz, axloqsiz bo'lib o'sdimi, bunday kishilardan yaxshilik kutmak yerdan turub yulduzlarga qo'l uzatmak kabidur. Axloqimiz binosining go'zal va chiroyli bo'lishiga tarbiyaning zo'r ta'siri bordur. Tarbiyaning axloqqa, albatta ta'siri bo'ladur. Oramizda masal borki, sut ila kirgan, jon ila chiqar. Mana bu so'z to'g'ridur. Turkiy guliston yoxud axloq asaridan. Abdulla Avloniy so'zlariga ko'ra, yaratgan insonlarni asl xilqatda iste'dod va qobiliyatli, ...