11-sinf Biologiya dars ishlanma. Antropogen omillar

-maktabning biologiya fani o'qituvchisi ning Antropogen omillar mavzusida tayyorlagan DARS ISHLANMASI Hozirgi davrda atrof-muhitning jadal o'zgarishiga sabab bo'layotgan omillar bevosita inson faoliyati bilan bog'liq bo'lib, kishilik jamiyati tobora rivojlangan sari uning tabiatga ta'siri ham kuchayib bormoqda. Hozirgi kunda insoniyatning tabiat va atrof-muhitga ta'siri kuchi ortib ketgan. Antropogеn ta'sir ekologik omillar yig'indisi bo'lib, uning asosida insonning xo'jalik faoliyati yotadi. Ekin maydonlariga ishlov berish maqsadida mineral o'g'itlardan foydalanish, hosildorlikni oshirish, zararkunanda hasharotlarga qarshi zaharli kimyoviy moddalarni qo'llash, Yerning geologik qobiqlari - atmosfera, gidrosfera, litosferaning transport va sanoat chiqindilari bilan ifloslanishi kabilar kimyoviy antropogen omillarga kiradi. Fizik antropogen omillargayadro energiyasidan foydalanish, inson faoliyati tufayli, masalan, transport vositalarining ortib borishi oqibatida shovqin kuchining ortishi kabilar misol bo'ladi. Biologik antropogen omillarga oziq-ovqat mahsulotlari, odam organizmi yashash muhiti va oziq manbayi bo'lishi mumkin bo'lgan bakteriyalar, parazit hayvonlar kiradi. Ijtimoiy antropogen omillar odamlar jamoasi hamda ularning o'zaro munosabatlari bilan belgilanadi. Antropogen omillar deyilganda insonning atrof-muhitga, ya'ni tirik organizmlar, biogeotsenozlar, biosferaga har qanday (bevosita va bilvosita) ta'siri tushuniladi. Antropogen omillar insonning faoliyati natijasida kelib chiqadigan omillardir. Antropogen ta'sir natijasida tirik organizmlarning yashash muhiti o'zgaradi, bu esa o'z navbatida, ekotizimlarning tarkibiy qismlari o'rtasidagi bog'lanishlarning buzilishiga olib keladi. Insonning bevosita ta'siri to'g'ridan to'g'ri tirik organizmlarga qaratilgan bo'ladi. Masalan, ko'mir qazib olganda, yog'och kesganda inson ko'mir yoki o'rmonga nisbatan to'g'ridan to'g'ri yoki bevosita ta'sir ko'rsatadi. Nooqilona, rejalashtirilmasdan hayvonlarning ko'plab ovlanishi turlar sonining keskin kamayishiga olib keladi. Insonning bilvosita ta'siri iqlim, landshaftlar, atmosfera va suv havzalarining fizik va kimyoviy ko'rsatkichlari, tuproq, o'simliklar va hayvonot dunyosini o'zgartirish orqali amalga oshiriladi. Bilvosita ta'sirda inson ...