8-sinf Adabiyot dars ishlanma. Said Ahmad hayoti va ijodi. Qochoq

O'zbekiston RespublikaSI MAKTABGACHA VA MAKTAB TA'LIMI VAZIRLIGI QORAQALPOG'ISTON RespublikaSI AMUDARYO TUMANI MMTB TASARRUFIDAGI 33-MAKTABNING ONA TILI VA ADABIYOT FANI O'QITUVCHISI SHAMURATOVA BARNONING 8-SINFDA SAID AHMAD HAYOTI VA IJODI. QOCHOQ MAVZUSIDA O'TGAN BIR SOATLIK YURAKDAGI BITMAS JAROHAT YOXUD VATANNING KORIGA YARAGIN, BOLAM! Dars mavzusi: Said Ahmadning Ufq trilogiyasidan olingan parchani o'rganish. Dars maqsadi: ta'limiy maqsad: berilgan parcha mazmunini tahlil qilish, asar qahramonlarining his-tuyg'ulari, orzu-armonlari, ular xarakteridagi murakkabliklar, urush davridagi og'ir hayot va yozuvchi mahorati haqida batafsil fikr yuritish; tarbiyaviy maqsad: o'quvchi ma'naviyatini boyitish, ularga Vatan, ota-ona oldidagi farzandlik burchi haqidagi tushunchalarni chuqurroq singdirish; d) rivojlantiruvchi maqsad: o'quvchilarga ona-Vatanga muhabbat, dovyuraklik, jasurlik, mardlik hislarini singdirish. Shakllantiriladigan kompetensiyalar: O'zini-o'zi rivojlantirish kompetensiyasi - hayot davomida mustaqil o'qib- o'rganish, hayotiy tajribani mustaqil ravishda muntazam oshirib borish, o'z xattiharakatini muqobil baholash va mustaqil qaror qabul qila olish ko'nikmalarini egallashni nazarda tutadi. Milliy va umummadaniy kompetensiya - Vatanga sadoqatli, insonlarga mehr-oqibatli hamda umuminsoniy va milliy qadriyatlarga e'tiqodli bo'lish, badiiy va san'at asarlarini tushunish, orasta qiyinish, sog'lom turmush tarziga amal qilish layoqatlarini shakllantirishni nazarda tutadi. Adabiy-nutqiy kompetensiya: matnni gap ohangiga rioya qilgan holda aniq, ravon o'qiy olish. Badiiy asarni tahlil qilish kompetensiyasi: o'rganilgan asarning nomi, muallifi, mazmuni va qahramonlarini ajrata olish; asar qahramonlariga munosabat bildira olish, o'qilgan asar mazmuniga doir savol va topshiriqlarga javob bera olish, asar mazmunidan ta'sirlana olish. Darsda foydalaniladigan usullar: E'tirof mashqi, guruhlarda ishlash, savol-javob, Ibtido va intiho usuli, To'g'ri-noto'g'ri mashqi. Darsda foydalaniladigan jihozlar: Said Ahmad portreti, bukletlar, tarqatmalar, proyektor, slaydlar. Darsning borishi: tashkiliy qism: salomlashish, davomatni aniqlash; siyosiy va ma'naviy daqiqa tashkil etish. O'tilgan ...