8-sinf Informatika Kompyuterning tashqi xotirasi bilan ishlash

Kompyuterning tashqi xotirasi bilan ishlash 8-sinf Informatika va hisoblash texnikasi asoslari 13-mavzu Kompyuterning tashqi xotirasi haqida avvalroq ma'lumot bergan edik. Ular magnit tasma, egiluvchan magnit disk - disket, optik disk - CD va DVD, flash-xotiralar edi. Disket yuzasi temir ikki oksidli (Fe2O3) maxsus magnit qatlam bilan qoplangan. Magnit tasmada ham, magnit diskda ham axborot qattiq magnit disk kabi usulda yoziladi. Ya'ni disket formatlanganda konsentrik aylanalar ko'rinishidagi yo'llarga ajratiladi hamda yo'llar sektorlarga bo'linadi. Axborot disk sektorlarining yo'llari bo'ylab yoziladi. Disketlarda ham fayl sistemasi ish yuritadi va shuning uchun har bir sektorda identifikatsiya qilish uchun joy ajratiladi (adres maydoni), qolgan joylariga esa ma'lumotlar yoziladi. Disk yurituvchiga joylashtirilgan disketni formatlash quyidagi ketma-ketlikda amalga oshiriladi: 1. «Мой компьютер»sistema katalogi ochiladi. 2. Диск 3,5 (А:) disk yurituvchi tanlanib, sichqonchaning o'ng tugmasi bosiladi. 3. Ochilgan kontekst-menyudan Форматировать (Formatlash) amali tanlanadi, natijada quyidagi muloqot oynasi hosil bo'ladi: Qattiq disklar Disk yurituvchi Flash xotira Tashqi xotira hajmini ko'rish Formatlash fayl sistemasini tanlash Tashqi xotiraga nom berish Formatlash usulini tanlash Formatlash jarayonini boshlash 4. Disketni formatlash uchun Начать (Boshlash) tugmasi, aks holda Закрыть (Yopish) tugmasi tanlanadi. 5. Operatsion sistema disketdagi ma'lumotlar bexosdan o'chib ketishining oldini olish uchun quyidagi ko'rinishda ogohlantiradi: 6. Formatlash jarayonini davom ettirish uchun OK tugmasi tanlanadi. 7. Keyingi muloqot oynalarida OK va Закрыть tugmalarini tanlash bilan formatlash jarayoni tugatiladi. Disketdagi fayl yoki katalogni ochish yoki o'chirish uchun ham, asosan, kontekst-menyudan foydalanilishi, bunda Enter yoki Delete klavishlaridan foydalanish mumkinligi quyi sinflardan sizga ma'lum. Flash-xotira va flash-disk sistema blokidagi maxsus portga ulanadi. Bu port USB (Universal Serial Bus, ...