9-sinf MIG' Halol mehnat - ma'naviy yuksalish garovi

9-sinf Milliy istiqlol g'oyasi va ma'naviyat asoslari fani darsligi asosida 15-mavzu Halol mehnat - ma'naviy yuksalish garovi Oyog'ingiz ostiga qarang: yuzlab, minglab chumolilar tinim bilmasdan mehnat qilayotgani - uyasiga zarur narsalarni tashiyotganini ko'rasiz. Biri qiynalsa, ikkinchisi, uchinchisi yordamga kelyapti, birortasi chetga chiqib, «qo'l qovushtirib» turgani yo'q. Ulug' bobomiz hazrat Alisher Navoiyga murojaat etamiz. Ul zot jamiki inson bolalariga xitob qilib aytadiki: Tuxum yerga kirib chechak bo'ldi, Qurt jondin kechib ipak bo'ldi. Lola tuxmicha g'ayrating yo'qmu, Pilla qurticha himmating yo'qmu? Qarangki, lolaqizg'aldoqning urug'i qora yerga kirib, bir kun ko'rsangiz, tabiatni, inson ko'zi va ko'nglini behad yayratadigan chechakka - gulga aylanadi. Pilla qurti bo'lsa, o'z jonidan kechish evaziga atrofiga nafis ipak o'raydi, undan dunyo ahli o'ziga libos tikib, insoniy qiyofasini bezaydi Polaponlarini boqish, parvarishlash, turfa hujumlardan asrash yo'lida jon chekayotgan qushni, naslini saqlab qolish uchun jonini garovga qo'yib harakat qilayotgan boshqa parranda-yu darrandalarni aytmay qo'ya qolaylik. Darhaqiqat, ongli, oqilona uyushtirilgan mehnatgina kishilik jamiyatining gullab-yashnashiga, fuqarolarning insondek hayot kechirishiga asos bo'la oladi. Aynan mehnat tufayli inson o'zining moddiy va ma'naviy ehtiyojlarini qondiradi. Mehnat orqali odamning iste'dodi, o'quvi, layoqati yuzaga chiqadi, ko'rinadi. Inson mehnati aqliy va jismoniy mehnat turlariga bo'linadi. Ular orasiga sun'iy to'siq tiklab, bir-biriga zid qo'yish esa mutlaqo yaramaydi. Aqliy mehnat Jismoniy mehnat Yalqovlik inson hayotining, kelajagining zavoli, kambag'allikka eltuvchi asosiy yo'ldir. Go'zal va to'kin hayot kechirmoq uchun esa bor imkoniyatni ishga solmoq, hunar o'rganmoq, g'ayrat shijoat bilan mehnat qilmoq zarur. Baxt, boylik, obro'-e'tibor, xotirjamlik o'z-o'zidan kelmaydi. Hayotdagi jamiki ro'shnoliklarga inson faqat o'z aql-u zakovati, mehnati tufayli erishadi. Oilaning moddiy va ma'naviy ...