11-sinf Jahon tarixi dars ishlanma. 1991 - 2017 yillarda Isroil davlati va Falastin muammosi

1991 - 2017-yillarda Isroil davlati va Falastin muammosi 11-sinf Jahon tarixi fani darsligi asosida 24-mavzu 1947-yili BMT Xavfsizlik Kengashi Falastin bo'yicha rezolutsiya qabul qildi. Unga binoan 1948-yil 1-avgustdan Falastinda ikkita - yahudiylarning Isroil va arablarning Falastin davlatlarini tashkil qilish tavsiya etildi. Isroil yahudiylarning milliy davlati hisoblanadi. U dastlab yahudiylarning milliy o'chog'i, boshpanasi sifatida tashkil topdi va shunday bo'lib qolmoqda. Isroil davlati 1990-yillardan Isroil iqtisodi jadal rivojlanayotgan mamlakatlar qatoriga kirdi. Mutaxassislarning fikriga ko'ra, bu mamlakatda haqiqiy iqtisodiy yuksalish boshlandi. 1990-yillari sobiq SSRdan 600 ming kishining Isroilga ko'chib kelishi qurilish, sanoatning ayrim sohalarida jadal rivojlanishni ta'minladi. XX asr oxirlarida Falastin muammosining hal etilishi. 1948-yili Isroil va Falastin davlatini tuzish rejasini arab aholisi adolatsiz deb hisobladi va qabul qilmadi. Falastin arablarining kurashiga boshchilik qilish uchun Falastinni ozod qilish tashkiloti (bu tashkilot arabcha FATX nomi bilan mashhur) tuzilib, unga uzoq yillar Yosir Arofat boshchilik qildi. Yosir Arofat Ammo faqat 1990-yillarga kelib, Falastin muammosini hal qilish imkoni paydo bo'ldi. 1991-yil oktabrda Madridda Yaqin Sharq bo'yicha xalqaro konferensiya ish boshladi va unda Falastin delegatsiyasi ham ishtirok etdi. Keyin Norvegiya hukumati taklifiga ko'ra Oslo shahrida Isroil bilan FATX o'rtasida muzoqaralar boshlandi. Muzoqaralar natijasida 1993-yili Isroil va FATX bir-birini tan olganligi e'lon qilindi. 1993-yili Vashingtonda Isroil va FATX delegatsiyalari Falastin avtonomiyasini tuzish to'g'risida kelishuvni imzoladi. Avtonomiyani tuzish bosqichma-bosqich 5 yil ichida amalga oshirilishi ko'zda tutildi. Birinchi bosqichni amalga oshirish G'azo sektori va Iordan daryosining G'arbiy sohilini FATXning avtonom boshqaruviga berish to'g'risida kelishuv imzolanishi bilan boshlandi. 1995-yil noyabrda Isroil bosh vaziri Isxak Rabin mutaassib-yahudiy tomonidan o'ldirildi. Bu falastinliklarga qilingan ...