8-sinf Adabiyot Usmon Nosir hayoti va ijodi dars ishlanma

Sirdaryo viloyati Guliston shahar 2-sonli umumiy o'rta ta'lim maktabi ona tili va adabiyot fani o'qituvchisi Suleymanova Ixbal Shaxabiddinovnaning 1 soatlik Dars ishlanmasi MAVZU: Usmon Nosir hayoti va ijodi 8-sinf Darsning maqsadi: 1. Ta'limiy: O'quvchilarga Usmon Nosir hayoti va ijodi bo'yicha bilim berish 2. Tarbiyaviy: O'quvchilarni ona Vatanga muhabbat ruhida tarbiyalash 3. Rivojlantiruvchi: O'quvchilarni mustaqil fikrlashga o'rgatish, adabiyotga bo'lgan qiziqishini oshirish Dars turi: noan'anaviy Dars uslubi: Interfaol, yangi bilim beruvchi Dars jihozi: Darslik, Usmon Nosir baneri, mavzuga oid rasmlar, slayd, nootbuk, proyektor, ekran, tarqatmalar Darsning shiori: «Usmon she'riyatimizga shamolday kirib keldi. Balki bo'ronday! U shunday to'polon va to'lqin bilan keldiki, uncha-muncha she'riy uslub va ijodni to's-to's qilib yubordi. Uni o'zimizda «o'zbekning Lermontovi», Moskva gazetalarida «Sharqda Pushkin paydo bo'ldi, deb yozishdi». (Turob To'la) Darsning borishi: tashkiliy qism Tezkor savol-javob Yangi mavzu bayoni She'riyat vaqti Ijodiy faoliyat Baholash tashkiliy qism: 1) Salomlashish 2) Davomatni aniqlash O'qituvchi: Qo'ling qadog'iga bosay yuzimni, Onamsan-ku og'ir olma so'zimni. Qaynbarglar yopib qaro ko'zini, Olislarda qolgan Usmonlaring bor… Assalomu alaykum, aziz o'quvchilarim! Bugungi darsimiz har kungidan o'zgacha ruhda tashkil qilinadi. Bugungi darsimizda qatag'on yillari qurboni , bor-yo'g'I 32 yil umr ko'rgan shoirimiz Usmon Nosir hayotiga bir nazar tashlaymiz. Kelinglar , ushbu taqdimotni tamosho qilaylik. ( Ekranda Usmon Nosir hayoti va ijodiga bag'ishlangan taqdimot qo'yiladi) Tezkor savol-javob (Usmon Nosir hayoti va ijodi bo'yicha savollar tarqatiladi) Yangi mavzu: Usmon Nosir (1912-1944) - xx asr o'zbek she'riyatiga chaqmoqdek kirib kelgan va yashindek qisqa ijodiy umr kechirgan shoir. Usmon Nosir 1912-yilning 13-noyabrida Namanganda tug'ildi. Otasidan yetim qolgan Usmon Nosir Qo'qondagi bolalar uyida tarbiyalanadi. ...