7-sinf Adabiyot - Alisher Navoiy. Qit'alar va fardlar dars taqdimot

Alisher Navoiy. Qit'alar va fardlar Bu mavzuda biz: - Alisher Navoiy qit'alari va fardlaridagi g'oyalarni tahlil qilamiz; - fard va qit'a haqidagi tushunchalarga ega bo'lamiz; - mumtoz adabiyotdagi kichik janrlarni solishtiramiz. Alisher Navoiy haqida Alisher Navoiy (1441-1501) o'z davrining iste'dodli shoiri, davlat arbobi, olim, ko'plab asarlari bilan o'zbek adabiyoti tarixida o'chmas iz qoldirgan buyuk mutafakkirdir. U to'rt yoshidan adabiyotga, she'riyatga va ilm olishga qiziqdi, o'tkir zehni va tug'ma qobiliyati bilan zamonasining obro'li ijodkorlari, san'atkor va olimlari e'tiborini tortdi. O'n - o'n ikki yoshlaridan she'rlar yoza boshladi. Tarixchilarning yozishicha, mashhur shoir Lutfiy Alisherning bolalikda yozgan: Orazin yopqoch ko'zimdin sochilur har lahza yosh, Bo'ylakim, paydo bo'lur yulduz, nihon bo'lg'och quyosh misralari bilan boshlanadigan g'azalini tinglab, Agar mumkin bo'lsa edi, men o'zimning forsiy va turkiy tillarda aytgan o'n-o'n ikki ming she'rimni shu bir g'azalga almashar edim, - degan ekan. Navoiy iste'dodi keyinchalik tinimsiz mehnat va izlanishlar bilan uyg'unlashib, jahon adabiyoti durdonalari darajasidagi buyuk asarlarning dunyoga kelishida muhim omil bo'lib xizmat qildi. Moskva shahridagi Alisher Navoiy haykali Alisher Navoiy qit'alarini tahlil qilamiz Qit'a (arabcha bo'lak, qism, parcha so'zidan) mumtoz adabiyotda qo'llangan janrlardan biri bo'lib, unda muallifning turli mazmundagi fikr-mulohazalari, qarashlari ifodalanadi. Qit'a ikki bayt (to'rt qator) va undan ortiq bo'lishi mumkin. Unda har ikkinchi misra (qator) o'zaro qofiyalanadi. Quyidagi qit'ani o'qing va qofiyalanishiga e'tibor bering. Qit'a mazmunini hozirgi o'zbek tilida ifodalashga harakat qiling. Juft-juft bo'lib ishlang. Navoiy qit'alaridan namunalarni o'qing va tahlil qiling. Jadvalni daftaringizda to'ldiring. Alisher Navoiy fardlarini tahlil qilamiz Quyidagi fardni o'qing. Unda qanday g'oya ifodalanmoqda? Fardning ikkinchi misrasi (qatori) nimaga xizmat ...