6-sinf Adabiyot fanidan Ravshan dostoni mavzuda dars ishlanma

Qashqadaryo viloyati G'uzor tumani 47-umumiy o'rta ta'lim maktabining Ona tili va adabiyot fani o'qituvchisi KARIMOVA SHIRINning 6-sinflarda Ravshan dostoni mavzusida tayyorlagan bir soatlik DARS ISHLANMASI Ravshan dostoni Doston folklorchi olim Hodi Zarif (1905-1972) tomonidan birinchi marta 1928-yilda Ergash Jumanbulbul o'g'li (1868-1937) og'zidan yozib olingan va 1941-yilda nashr ettirilgan. Ergash shoir «Ravshan»ni otasi Jumanbulbuldan, u esa ustozi Kichik Bo'rondan o'rgangan. Dostonning sayqal topib, badiiy go'zal asar shaklini olishida Jumanbulbul va Ergash bahshilarning alohida xizmatlari bor. DIQQAT QILING! «Ravshan» dostoni qofiyali nasr (saj)ning go'zal namunasidir. Deyarli har bir nasriy parcha - qofiyali. Dostonning vazni ham o'ziga xos. She'riy qismi asosan yetti, sakkiz va o'n bir bo'g'inli barmoq vaznida. bahshi qahramonning ruhiy holati, his-hayajoni, voqea rivojining sur'atiga ohangdosh, ayni shu holatga mos tasvir yo'sinini topadi. DOSTON G'OYASI «Ravshan» otashin va samimiy muhabbatni kuylovchi, pok va haq islomiy e'tiqod yo'lida sobit tura oladigan iymonli kishilarni madh qiluvchi, ezgulikni, mardlik va botirlikni ulug'lovchi, zulm va zo'ravonlikni, adolatsizlikni qoralovchi asardir. QAHRAMONLAR: Ravshan; Zulxumor; Hasanxon; Go'ro'g'li; Yunus pari; Misqol pari; Gulanor; Avazxon; SEHRLI VA SIRLI UZUK DOSTONNING ASOSIY VOQEALARI Taqdiriga bitilgan Zulxumorni qo'lga kiritish niyatida olis yo'lga yakka o'zi chiqqan Ravshan yoshligi, soddaligi tufayli osongina bandi etilib, zindonga tashlanadi. Ammo u qo'rqoqlik qilmaydi. Yigitlik sha'niga dog' tushirmaslikka intiladi. Qoraxon a'yonlarining dinini o'zgartirish haqidagi taklifini rad etib, o'z e'tiqodidan, dinidan kechmasligini aytadi. Muhabbat uchun chekilgan iztirob, iymon yo'lidagi azobga aylanadi. Chin muhabbat egasi bo'lgan botir yigit o'limdan hayiqmaydi. Dostonda Ravshan hech qanday kamchiliksiz, har jihatdan yetuk odam sifatida tasvirlanmaydi. Uning ojizligi, g'o'rligi, tajribasizligi tufayli xatolar qilishi, aldanishi haqqoniy ...