8-sinf O'zbekiston tarixi fanidan Boburnoma asaridan foydalanish dars ishlanma

8-sinf O'zbekiston tarixi. 4 Zahiriddin Muhammad Bobur-buyuk davlat arbobi va mutafakkir mavzusini o'rganishda Zahiriddin Muhammad Boburning Boburnomaasaridan foydalanish. Reja: 1. Zahiriddin Muhammad Bobur -Boburiylar sulolasining asoschisi. 2. Buyuk davlat arbobi, sarkarda, shoh va shoir. 3. Boburnoma memuar asar. ZAHIRIDDIN MUHAMMAD BOBUR «Boburning Hindistonga kelishi tufayli Hindistonda buyuk o'zgarishlar sodir bo'ldi, me'morchilikda va madaniyatning boshqa sohalarida yangicha taraqqiyot yuz berdi.» J.Neru Zahiriddin Muhammad Bobur 1483 yilning 14 fevralida Andijonda, Farg'ona ulusining hokimi Umar Shayx Mirzo oilasida dunyoga keldi. Bu davrda Markaziy Osiyo va Xurosonda turli hokimlar, ika-ukalar, tog'a-jiyanlar, amakivachchalar o'rtasida hokimiyat - ulug' bobolari Amir Temur tuzgan yirik davlatga egalik qilish uchun kurash nihoyat keskinlashgan edi. Adabiyot, nafis san'at, tabiat go'zalligiga yoshligidan mehr qo'ygan Zahiriddin, barcha Temuriy shahzodalar kabi bu ilmlarning asosini otasi saroyida, yetuk ustozlar rahbarligida egalladi. Biroq uning sertashvish yoshligi uzoqqa cho'zilmadi. 1494 yili otadan yetim qoldi. 12 yoshida otasi o'rniga Farg'ona ulusining hokimi etib ko'tarilgan Bobur qalamni qilichga almashtirib, Andijon taxti uchun ukasi Jahongir Mirzo, amakisi Sulton Ahmad Mirzo, tog'asi Sulton Mahmudxon va boshqa raqiblarga qarshi kurashishga majbur bo'ldi. Z.M.Bobur 1483-1530 Bobur ukasi Jahongir Mirzo bilan murosaga kelish uchun unga yon berishga - Farg'ona ulusini ikkiga taqsimlab, yarmini ukasiga topshirishga qaror qildi va o'zi Samarqand uchun olib borilayotgan kurashga kirishib ketdi. Bir necha yil davom etgan bu kurash qirg'in-barotdan boshqa biror natija bermadi: unda katta harbiy kuch bilan qatnashgan Shayboniyxonning qo'li baland keldi va Bobur Samarqandni tashlab ketishga majbur bo'ldi. 1504 yili Shayboniyxon Andijonni ham qo'lga kiritgandan so'ng, Bobur janubga qarab yo'l oldi va Kobul ulusida o'z ...