8-sinf Adabiyot fanidan Furqat lirikasi dars taqdimot

ZOKIRJON XOLMUHAMMAD O'G'LI FURQAT (1859-1909) Shoir 1859- yilda Qo'qonda savdogar oilasida tug'ilgan. Otasi Mulla Xolmuhammad she'riyatga oshno, badiiy ijodga moyil kishi edi. Bola boshidan… Bo'lajak shoir dastlabki ta'limni mahallasidagi maktabda oladi. Bir yilga yetmay Haftiyak va Chor kitobni o'qib tugatadi. Sakkiz yoshida Farididdin Attorning Mantiq ut-tayr dostonini yod oladi, sal o'tib, Navoiy mutolaasiga tutinadi. Kichik yoshidan qalam tutib, she'r mashq qila boshlaydi. Favqulodda iste'dod egasi, tabiatan tirishqoq va izlanuvchan Zokirjon 14 yoshida madrasa talabasi bo'ladi. Husnixat sohibi bo'lganligi uchun mirzalik, xattotlik ham qiladi. Muqimiydek zabardast shoir uning g'azallariga muxammas bog'lagani Furqatning ijod ahli orasida ham e'tirof topganligidan darak beradi. 1880- yilda otasining qistovi bilan Qo'qonga qaytadi va butun iste'dodi, bor kuchini ijodga yo'naltiradi. She'rlari adabiyot ixlosmandlari orasida shuhrat qozonadi. Ijod og'ushida Furqat shu davrda Hammomi xayol nomli risola yozadi, Chor darvesh, Nuh manzar asarlarini fors tilidan o'zbek tiliga o'giradi. She'rlarini to'plab, devon tuzadi. Furqat kabi ijodining dastlabki davrida - 21-22 yoshida devon tartib bergan shoirni o'zbek kitobxoni ko'rgan emas edi. Toshkentdagi faoliyat Furqat 1890 - 1891- yillarda Toshkentda yashaydi. Bu yerda u Toshkent yerlar gimnaziyasi direktori, Turkiston viloyatining gazeti muharriri Nikolay Ostroumov bilan tanishadi. Bu tanishuvdan so'ng Furqat shu gazetaga tarjimon bo'lib ishga kiradi va shundan uning jurnalistlik, publitsistlik faoliyati ham boshlanadi, deyish mumkin. SAYYOH SHOIR 1891- yilning sentabrida Furqat Samarqandga yo'l oladi. Xat orqali tanishgan do'sti savdogar va etnograf olim Mirzo Buxoriy huzurida bo'ladi. Iyul oyida Buxoroga borib, Kogondan poyezdga o'tirib, Marv, Ashxabod, Boku, Botum orqali Istambulga keladi. Bu yerda bir muddat yashagan shoir butun vujudi bilan ijodga berilgandi. ...