8-sinf Adabiyot Navoiy ruboiylari va tuyuq tahlili dars ishlanma

Andijon viloyati Andijon tumani 29- IDUMning ona tili va adabiyot fani o'qituvchisi Salohiddinova Zarnigorning adabiyot fanidan 8-Asinfida o'tadigan bir soatlik dars ishlanmasi 2019-2020 o'quv yili Tasdiqlayman O'quv ishlari bo'yicha direktor o'rinbosari: X.Nishonova (F.I.Sh.) (Imzo) Nazariy dars rejasi № 1 O'quv fanining nomi: Adabiyot Mavzu nomi: Alisher Navoiy ruboiylari va tuyuqlari tahlili Darsning maqsadlari: a) ta'limiy maqsad: Alisher Navoiy ruboiylari va tuyuqlarining mohiyatini o'quvchilarga singdirish. Ruboiy, tuyuq tushunchalarini o'quvchilar ongida mustahkamlash. Badiiy san'atlar bo'yicha o'quvchilarda tushuncha hosil qilish. O'quvchilarda mavzu bo'yicha bilim, malaka va ko'nikmalarni hosil qilish. b) tarbiyaviy maqsad: Komil inson g'oyasini singdirish. O'quvchilarga vatanparvarlik, insonparvarlik, mehr-oqibat, yaxshilik, kamtarlik tuyg'ularini singdirish, ona Vatanimizga, oilasiga va ota-onasiga cheksiz mehr-muhabbat ruhida tarbiyalash. v) rivojlantiruvchi maqsad: O'quvchilarning ilmiy dunyoqarashini, tafakkurini, ruboiy, tuyuqlarni tahlil qilish hamda ifodali o'qish malakalarini rivojlantirish, erkin fikrlashga, muammoli vaziyatlar yechimini topishga o'rgatish, mavzu asosidagi bilim, ko'nikmalarini boyitish. Darsdan kutilayotgan natijalar - mavzuni o'zlashtirgandan so'ng o'quvchilar quyidagi bilim va ko'nikmalarga ega bo'ladilar: 1. Avvalgi darsda o'rgangan bilimlari asosida Alisher Navoiyning hayoti va ijodiga oid to'liq ma'lumotlarga ega bo'ladilar. 2. Alisher Navoiy tomonidan yaratilgan mumtoz asarlarni bilib oladilar. 3. Alisher Navoiyning adabiyotimizdagi o'rni haqida ma'lumot oladilar. Inson ruhiyati, ong-u shuuriga ta'sir etadigan, o'quvchini to'g'ri yo'lga boshlashga harakat qildiradigan go'zal abyotlaridan bahramand bo'ladilar. 4. Ruboiylari va tuyuqlari yuzasidan mustaqil fikrlarini bildiradilar va mavzu doirasida turli topshiriqlarni bajaradilar. 5. She'rlarni tahlil qilish orqali badiiy san'atlarni tahlil qilishni o'rganadilar. Dars tipi: aralashgan dars Ta'lim metodlari va texnologiyalari: suhbat, Jadvalni to'ldiring usuli, tushuntirish, ko'rsatish, namuna, og'zaki va yozma bayon qilish (debat), eshitish, Omadli sovrin ...