7-sinf O'zbekiston tarixi Amir Temur diplomatiyasi dars taqdimoti

Amir Temur diplomatiyasi Mamlakatimiz istiqlolga erishgan vaqtdan e'tiboran Amir Temur shaxsi xalqimiz uchun yana Vatan va millat timsoliga aylandi. Mustaqilligimizning har bir tadbirida, O'zbekistonning har bir qadamida ul buyuk zot ruhi bizga hamrohu hamnafas bo'lib bormoqda. Yurtimizda har yili Amir Temurning tavallud sanasi keng nishonlanadi. Poytaxtimiz markazidagi Amir Temur xiyobonidagi keng ko'lamli bunyodkorlik va ko'kalamzorlashtirish ishlaridan tortib, Sohibqiron tug'ilgan go'sha - Qashqadaryodagi Xo'ja Ilg'or qishlog'ida amalga oshirilayotgan qizg'in obodonchilik ishlarigacha shundan dalolat bermoqdaki, bu yil Sohibqiron nomi, uning faoliyati bilan bog'liq tadbirlar diyorimizning barcha hududlarida alohida ko'tarinki ruhda o'tmoqda. El-yurtimizda bu qutlug' sananing hamisha ana shunday ko'tarinki kayfiyatda kutib olinishi bejiz emas, albatta. Chunki Amir Temur nomi, siymosi xalqimizni birlashtirishda, jipslashtirishda, iymon-oqibatli bo'lishda, madaniy-ma'rifiy ildizlarimizni chuqur anglashda, qudratli kelajagimizni qurishda bizga yangi-yangi kuch-quvvat va shijoat bag'ishlab turibdi. Buyuk Sohibqironning eng muhim fazilatlaridan biri shuki, ul zot bundan olti asr avvaloq davlatlararo o'zaro manfaatli hamkorlikni rivojlantirish, uzoq va yaqin xalqlar o'rtasida do'stlik va hamjihatlik rishtalarini mustahkamlash o'z saltanati yorqin istiqbolini ta'minlashning muhim omili ekanini teran anglagan. Shu sababli u Yevropava Osiyoni bog'lashga xizmat qilgan ulkan ishlarni amalga oshirgan. Bir tomondan - Xitoy, Hindiston, bir tomondan - Fransiya, Ispaniya, Angliya va boshqa davlatlar bilan aloqalar o'rnatgan va shu munosabatlarni mustahkamlashga intilgan. Prezidentimiz Islom Karimovning ta'biri bilan aytganda, Amir Temurning eng asosiy tarixiy xizmati shundan iboratki, aynan uning hukmronligi davrida Yevropava Osiyo qit'alari ilk bor o'zlarining bir geosiyosiy maydonda yashayotganlarini his etganlar. Sohibqiron savdo-iqtisod munosabatlari orqali xalqlar va mamlakatlar o'rtasida yagona makon barpo etish sohasida shunday yutuqlarga erishganki, bunga qoyil qolmasdan ...